Automobil Podgoričanke
A.V. demoliran je prošle sedmice na parkingu preko puta škole „Štampar Makarije“ u Bloku 5 u ranim večernjim satima.
Kada je nakon završetka radnog vremena u lokalu „Sicilija“, oko 23 sata, vlasnica došla do svog parkiranog automobila, vidjela je da su sva bočna stakla, svjetla i šoferšajbna polomljeni, a karoserija izgrebana kamenom ili nekim drugim oštrim predmetom. Kako je vlasnica automobila ispričala za „Dan“, još uvijek nepoznati počinilac iskoristio je što je mjesto na kome je automobil bio parkiran neosvijetljeno i demolirao vozilo. Ona je kazala da joj nije jasno kako je neko skupio toliko hrabrosti da počini ovo djelo u vrijeme kada je taj dio grada prepun šetača i djece koja se na tom mjestu igraju do kasno u noć. Ona je istakla da ni sa kim nije u sukobu i da ne zna koji je motiv naveo nekoga da demolira njen automobil.
Odmah nakon što je primijetila da joj je auto demoliran, pozvala je policiju, koja je vrlo brzo izašla na lice mjesta i obavila uviđaj. Međutim, iz policije zasad nema informacije da li su na tragu počiniocu ili je eventualno u pitanju više njih, a vlasnici demoliranog automobila još uvijek nije dostavljen zapisnik. VJ.D.
Komentari
Komentari se objavljuju sa zadrškom.
Zabranjen je govor mržnje, psovanje, vrijedjanje i klevetanje. Nedozvoljen sadržaj neće biti objavljen.
Prijavite neprikladan komentar našem
MODERATORU.
Ukoliko smatrate da se u ovom članku krši Kodeks novinara, prijavite našem
Ombudsmanu.
)){kind=small}
