U zemljama koje su uvele euro, broj lažnih novčanica na tržištu se udvostručio. Najčešće se falsifikuju one od 50 eura, a očekuje se i povećanje broja falsifikovanih kovanica.

Originalna novčanica mora da šušti i da ima oznake koje možemo vidjeti bez lupe, infracrvenog svijetla i UVE lampe. Među njima su vodeni žig i sigurnosna nit. U papir je ugrađen zaštitni konac.

Kada se pogleda prema izvoru svjetlosti vidi se cijela nit, a ako se pogleda površina, nit se prekida, objasnio je Željko Brkić iz hrvatskog MUP-a.

-Treba da ih osjetimo, osjetimo da li šušte, da li liče na klasičan papir, tako da nam je to odmah neka vrsta upozorenja. Treba da ih pogledamo prema izvoru svjetlosti, da li možemo da vidimo providni registar, hologram, zaštitni konac i vodeni žig. Nakon toga treba da se okrenemo da vidimo ostale elemente: da li ima prelivnih boja, prelivnog konca. Tako će građani biti sigurni da nijesu dobili falsifikat- rekao je Tihomir Mavriček, izvršni direktor Sektora gotovine HNB-a.

Za razliku od novčanica, gdje imamo isti avers i revers za sve zemlje, kod kovanog novca imamo nacionalne strane, a svaka država ima motive na nacionalnoj strani, dodao je on.

Lažni novac najčešće se podmeće u kafićima, disko klubovima, na pijaci…