Breskve prodaju za tri eura

Na zelenoj pijaci u TC "Gintaš" juče su se breskve mogle kupiti za tri eura po kilogramu. Kako kažu prodavci to je trenutno najtraženije voće, a osim njih kupuju se i kajsije koje se mogu kupiti po istoj cijeni

U ponudi prodavci imaju i višnje i trešnje koje cijene od tri do 3,50 eura. Jagode i dalje drže cijenu pa je za kilogram neophodno izdvojiti od 3,50 do četiri eura. Jabuke se mogu kupiti od 0,70 do 2,50, a banane su od 1,50 do dva eura. Kivi košta 3,50, a pomorandže su euro jeftinije. Za kilogram domaćeg limuna potrebno je izdvojiti od dva do tri eura.

Na tezgama ima i veliki izbor krompira. Prodavci ga nude od euro do 1,20, koliko je potrebno izdvojiti za mlade. Oni kažu da mladi krompir sada najbolje prolazi. Rozi paradajz košta tri, dok je crveni od dva do 2,50 eura. Krastavac je nešto jeftiniji i može se kupiti za 1,50 eura. Kilogram crnog luka košta od 1,50 do dva eura, dok paprike i dalje drže cijenu i mogu se pazariti od 2,50 do 3,50 eura. Raštan prodaju za 2,50, a salatu za dva, dok je blitva 1,50 eura. Boranija se može kupiti za četiri eura, a tikvice se prodaju od euro do 1,50 eura. Kilogram šargarepe košta dva eura.

Mladi sir sedam eura

Na sektoru mliječnih proizvoda za kilogram kučkog sira potrebno je izdvojiti deset eura, dok je pljevaljski euro jeftiniji. Lisnati sir košta 12, a mladi od 6,50 do sedam eura. Za kilogram kajmaka potrebno je izdvojiti 15 eura. Prodavci u ponudi imaju i maslo koje cijene 20 eura.

Preuzmite našu aplikaciju