Veliki derbi engleskog fudbala u prvom poluvremenu nije obilovao šansama, ali je u nastavku bio odličan.
U prvom poluvremenu Siti je imao inicijativu, ali nikako nije uspijevao da stvori dobru priliku.
Naprotiv, Junajted je bio jako opasan u 34. minutu kada je Markus Rašford bio u velikoj prilici, ali je intervenisala odbrana Sitija.
Siti je u drugom dijelu izašao ozbiljnije, pleo mrežu oko gola domaćina, a onda i poveo u 60. minutu kada je centrirao Kevin de Brujne, a Džek Griliš pogodio za 1:0.
Junajted je do poravnanja stigao u 78. minutu kada je Kazemiro uputio dobar pas, a Bruno Fernandeš dobrim udarcem matirao Edersona.
Pravi blickrig uslijedio je tri minuta kasnije. Mladi Alehandro Garnaćo nadmudrio je odbranu Sitija, uposlio Markusa Rašforda koji je pogodio i donio 2:1 svojoj ekipi.
Nakon ove pobjede Junajted je treći sa 38 bodova, dok je Siti drugi sa bodom više.