Trener Barse Ćavi Ernandez kazao je da ne vidi nikakav problem u pobjedama njegovog tima od 1:0.

- Real će probati da dominira, tako se ponašao i u pređašnjoj kup utakmici. Nismo se tako spremali za taj duel, jednostavno se desilo. Inače smo ekipa koja želi posjed i da kroz loptu u našim nogama stvaramo šanse, budemo opasni. Više mi se sviđa da pobjeđujemo rezultatom 4:0 ili čak 5:4, ali šta je problem ako slavimo i 1:0. Znate da smo tako osvojili i prvu titulu prvaka Evrope, golom Ronalda Kumana u produžecima meča sa Sampdorijom, iako se prije toga maltene ništa nije desilo - rekao je Ćavi i dodao:

- jSaglasan sam sa ocenom da smo naučlili da se dobro takmičimo. Protiv Reala smo se u meču vrijednom pehara Superkupa to činili sa loptom, a u duelu Kupa kralja bez lopte. Ako oba segmenta budemo radili valjano tim bolje. Pokušaćemo da kontrolišemo utakmicu dok je lopta kod nas, jer često patimo kad nije.

Velerašnji meč igra se od 21 sat.