Brazilski Fluminense plasirao se u drugo finale Kopa Libertadores u svojoj istoriji pobijedivši Internacional Porto Alegre 2:1 u drugoj utakmici polufinala, nakon preokreta.

Gabriel Merkado je u devetom minutu susreta doveo u vođstvo Internacional, ali je Fluminense preokrenuo u završnici susreta golovima Džona Kenedija u 81. minutu i Hermana Kana u 87. Prva utakmica na Marakani završila je neriješeno 2:2.

Upravo će Marakana ugostiti veliko finale 4. novembra. Fluminense će u velikom finalu igrati protiv boljeg iz drugog polufinala između Palmeirasa i Boke Juniors. Revanš u Sao Paulu zakazan je za noć između četvrtka i petka u 2.30 sati po našem vremenu, a prvi meč na "Bombonjeri" završen je bez golova.