Holanđanin Erling Haland proglašen je za igrača sezone u Premijer ligi.
Za najboljeg fudbalera sezone glasali su navijači, kapeteni ekipa i posebno formirana stručna komisija, a očekivano najviše glasova osvojio je napadač "građana".
Osim Halanda, za nagradu su nominovani i Markus Rašford, Kevin de Brujne, Hari Kejn, Martin Odegard, Bukajo Saka i Kiran Tripije.
Čudesni norveški napadač doveo je Manchester siti do titule prvaka u svojoj prvoj sezoni, postigavši 36 golova i upisavši osam asistencija.
Priliku za korekciju ovih brojki imaće u posljednjem kolu, u nedjelju, protiv Brentforda.
Haland je ove sezone srušio niz rekorda u Engleskoj i svijetu, ali svakako vrijedi istaći da je postao igrač s najviše golova u jednoj sezoni u Premijer ligi.
Do sada su taj rekord od 34 pogotka držali Endi Kol i Alan Širer, koji su to učinili kada je sezona imala 42 utakmice, za razliku od današnjih 38.