Legendarni japanski fudbaler se vratio u svoju domovinu

Pamtimo ga po odličnim partijama u dresu Borusije Dortmund za koju je igrao dvije godine, da bi onda 2012. godine uslijedio transfer u Mančester Junajted za 16 miliona eura. 

Vratio se u svoj Dortmund dvije godine kasnije za sumu upola manju nego kada je prodat Junajtedu, gdje se nije najbolje snašao.

Potom je igrao polusezonu u Bešiktašu na pozajmici 2019. godine, da bi ljeta te godine otišao u Španiju i igrao za Saragosu. 

U Španiji ne tako uspješna sezona, od oktobra 2020. pa do januara 2021. godine nije imao klub. Potom je potpisao za grčki PAOK, a poslednji klub u Evropi mu je bio belgijski Sint-Truiden. Sada se vratio u svoju Osaku i gledaćemo ga u najjačoj ligi Japana.