Ekipa Leverkuzena savladala je na gostovanju Keln sa 2:0, u okviru 24. kola Bundes lige. Samim tim, farmaceuti su korak bliže tituli prvaka Njemačke, jer sada imaju deset bodova više od drugoplasiranog Bajerna.
Leverkuzen je poveo u 38.minutu golom Frimponga. Centrirao je Grimaldo, Šik je samo dotakao loptu i prebacio je ka Frimpongu, koji je bio siguran. Konačan rezultat je postavljen u 73.minutu. Po lijevoj strani je prošao Adli, poslao je upotrebljivu loptu u sredinu gdje je ovoga puta bio Grimaldo koji nije imao težak zadatak.
