Mlađe pionirke Primorja se vratile iz Pariza

Poslije šest dana boravka u Parizu i napornog međunarodnog turnira mlađe pionirke Primorja vratile su se u Herceg Novi. Nakon pet odigranih utakmica mlade Novljanke su zauzele visoko peto mjesto u veoma jakoj konkurenciji od 12 ekipa, od kojih su mnoge od njih predstavljale reprezentacije svojih zemalja.

Iz tabora novske ekipe nijesu krili zadovoljstvo jer su mlađe pionirke, iako su se takmičile u dvije godine starijoj kategoriji u Parizu dostojanstveno predstavljale svoj grad i državu.

Ekipu Primorja predstavljalo je deset talentovanih djevojčica: kapitenka Petra Sučević, Sara Prlainović, Anđela Jančić, Ena Bašlin, Simeona Spaić, Marija Kosić, Jovana Rikalo, Tamara Tomašević, Doroteja Šumar i Nađa Savković. Treneri ekipe su Siniša Samac i Klaudija Baćović.