Španija poslije preokreta dobila Njemačku i izborila finale

Košarkaši Španije drugi su finalisti Eurobasketa.

U polufinalnom meču punom preokreta savladali su domaću Njemačku 96:91 (27:24, 19:27, 19:20, 31:20).

Ekipa Serđa Skariola je meč prelomila dva minuta prije kraja.

Imala je minus sedam (70:77), ali je napravila seriju 13:0 za 83:77, nakon čega je meč rutinski privela kraju.

Tako će Španija u nedjelju juriti četvrto zlato na posljednjih šest šampionata Evrope.

Prvaci su bili 2009, 2011. i 2015, a bronzani 2013. i 2017. godine.

Lorenco Braun je sa 29 poena vodio Španiju do slavlja. 

Vili Ernangomez je upisao 16, Huanćo Ernangomez 13, a Alberto Dijaz 10 koševa.

Denis Šruder je za Njemačku dao 30 koševa, a po 15 su postigli Andreas Obst i Franc Vagner.