Hvalinska iz kvalifikacija do finala i istorije

Istorija na Rolan Garosu - Poljakinja Maja Hvalinska, 114. igračica na VTA listi koja je turnir započela iz kvalifikacija ostvarila je devetu pobjedu, u drugom polufinalu savladala Ruskinju Dijanu Šnajder sa 7:6, 6:4 za nastavak bajke i zakazala finale protiv Ruskinje Mire Andrejeve. 

Hvalinska je ujedno postala najniže rangirana finalistkinja u istoriji drugog grend slema sezone u Parizu, a prethodno je to bila njena zemljakinja i četvorostruka šampionka Iga Švjontek koja je prije šest godina kao 54. na VTA listi osvojila titulu. 

Plasmanom u finale Hvalinska će napraviti ogroman skok na VTA listi - ukoliko bi osvojila trofej bila bi 14. od ponedjeljka, a ukoliko izgubi finale na 21. mjestu.