<p>Ndërmarrjen &quot;Ujësjellësi dhe Kanalizimi&quot;: Marrin përsipër arkëtimin, por jo edhe borxhlinjtë</p>

Komuna e Tuzit para pak kohësh ka krijuar ndërmarrjen "Ujësjellësi dhe Kanalizimi" të cilën e drejton Esmin Beqoviq. Ai më herët ishte sekretar për zhvillimin ekonomik, sekretar për kujdesin social, kryetar i Këshillit të Drejtorëve të Komunales dhe shefi i njësisë së Ujësjellësit Tuz para katër vjetësh.

- Të gjitha kompetencat që i kishte Ujësjellësi dhe Kanalizimi i Podgoricës kalojnë tek Ujësjellësi dhe Kanalizimi i Tuzit. Tani në pronësinë tonë janë të gjitha pompat në territorin e Komunës së Tuzit. Ujësjellësi do të marrë përsipër të 13 punëtorët që punuan në njësinë e Tuzit. Marrëveshjen me të cilën rregullohen të drejtat dhe obligimet e ndërsjella do ta nënshkruajnë drejtorët e shoqërive në fillim të këtij muaji – thekson Beqoviq.

Ujësjellësi merr përsipër edhe arkëtimin e pagesave për ujë.

- Marrim përsipër edhe arkëtimin e pagesave për ujë. Çmimin e ujit e përcakton Agjencia Rregulluese për Energjetikë dhe Veprimtari Komunale, mirëpo do të tentojmë që çmimi i ujit të jetë i njëjtë. Shfrytëzuesit që kanë borxhe ndaj Ujësjellësit të Podgoricës vazhdojnë të jenë në kompetencën e tyre. Sa i përket Ujësjellësit të Tuzit ne shfrytëzuesve do t'u arkëtojmë ujin nga zeroja – thotë Beqoviq.

Beqoviq shprehet se në planin e vitit të ardhshëm është ndërtimi i rrjetit të kanalizimit në territorin e Tuzit.

- Plani i Ujësjellësit për vitin e ardhshëm është furnizimi i rregullt me ujë. Planifikojmë edhe zgjerimin e rrjetit të ujësjellësit në pjesën kodrinore të Tuzit – thekson Beqoviq.

Preuzmite našu aplikaciju