VAŠINGTON – Američko ministarstvo pravde razmatra podizanje optužnice protiv bivšeg direktora CIA Dejvida Petreusa zbog odavanja povjerljivih informacija, izjavio je neimenovani američki zvaničnik za AP. Petreusov advokat Robert Barnet i portparol ministarstva pravde Mark Rajmondi odbili su da govore o tome.
Federalni istražitelji razmatraju da li je Petreus dijelio povjerljivi materijal sa svojim biografom Polom Brodvel.
On je u novembru 2012, kada je podnio ostavku na mjesto šefa CIA, priznao da je imao vezu sa njom.
Agenti su pronašli veliki broj povjerljivih dokumenata na kompjuteru Brodvelove i u njenoj kući, objavio je ranije jedan policijski zvaničnik.
I Petreus i Brodvelova su se javno izvinili zbog ove ljubavne afere. Oni su rekli da su romantičnu vezu počeli tek kada je on otišao iz vojske i počeo da radi za CIA.
Ovaj skandal je doveo do iznenadnog propadanja Petreusove karijere. General Petreus je komandovao američkim snagama u Avganistanu i Iraku i važio je za potencijalnog predsjedničkog kandidata.
Još nije jasno kada će biti donijeta odluka o optuživanju Petreusa.
(Tanjug)
Komentari
Komentari se objavljuju sa zadrškom.
Zabranjen je govor mržnje, psovanje, vrijedjanje i klevetanje. Nedozvoljen sadržaj neće biti objavljen.
Prijavite neprikladan komentar našem
MODERATORU.
Ukoliko smatrate da se u ovom članku krši Kodeks novinara, prijavite našem
Ombudsmanu.