Kilogram kajsija od 2,50 do 3,50 eura

Na zelenoj pijaci u TC "Bazar" juče su najbolje prolazile kajsije. Za kilogram ovog voća neophodno je izdvojiti 2,50, dok su domaće nešto skuplje i koštaju 3,50 eura.

Breskve su se mogle kupiti za 2,50, dok su nektarine od 2,50 do tri eura. U ponudi prodavci imaju i domaće trešnje koje koštaju šest eura. Kilogram banana je dva, dok su jabuke od dva do 2,50 eura. Za kilogram kivija neophodno je izdvojiti 3,50 eura, a limun je 50 centi jeftiniji. Na tezgama se mogla kupiti i domaća lubenica koja po kilogramu košta 1,20, dok je pipun 30 centi skuplji.

Prodavci kažu da se od povrća najviše kupuju paradajz i krastavac. Za kilogram paradajza potrebno je izdvojiti od 2,50 do tri eura u zavisnosti da li je rozi ili crveni, dok krastavac košta dva eura. Tražene su i paprike koje u zavisnosti od sorte koštaju od dva do 2,50 eura. Mladi krompir mogao se kupiti za 1,20 dok je stari euro.

Koziji sir 15 eura

Veliki izbor sireva može se kupiti na sektoru mliječnih proizvoda. Lisnati kolašinski sir košta 12, a pljevaljski deset eura. U ponudi imaju i mladi polumasni sir za 3,90 eura po kilogramu, dok je stari deset eura. Kilogram mladog sira može se kupiti za 6,50 eura. Mladi koziji sir košta 15, a mladi kajmak 14,90 eura.

Na tezgama je i veliki izbor zeleniša. Za kilogram salate potrebno je izdvojiti 3,50 eura dok je raštan euro jeftiniji. Bijeli kupus je euro, a blitva 50 centi skuplja. Mladi luk košta pet, a crni od 1,50 do dva eura. Tikvice su prodavane od euro do dva eura.

Preuzmite našu aplikaciju