BERANE - Zasad nepoznati počinioci oskrnavili su spomenik na planini Turjak, podignut u čast partizanima, borcima Iliji - Zeku Magdeliniću, Puniši Milanoviću i skojevcu Janku Zekiću, koje su 1947. godine mučki ubile balističke snage. Taj čin naišao je na ogorčenje boračkih organizacija i rodbine, koja je sa užasavanjem osudila vandalizam.
- Skrnavljenje spomenika na Turjaku, koji svjedoči o pogibiji trojice patriota i rodoljuba koje su na zvjerski način likvidirale zaostale neprijateljske snage iz Drugog svjetskog rata sa prostora Tutina zaslužuje najveću moguću osudu.
Taj spomenik je decenijama spajao ljude podsjećajući na herojsku borbu onih koji su na putu do slobode obavljali najodgovornije zadatke i u ratnim i u mirnodopskim prilikama.
Spomenik je podignut da svjedoči o zajedničkoj borbi svih naših naroda protiv fašističkog okupatora. Zato ovakvi postupci onih kojima ništa nije sveto još teže padaju. Nadamo se da će nadležni organi pronaći počinioce ovog nečasnog djela i kazniti ih onako kako to i zaslužuju – poručio je Draško Magdelinić, direktor bivše Zemljoradničke zadruge „Bogaje”, koja je devedesetih godina prošlog vijeka investirala izgradnju spomenika na Turjaku.
Sa pomenutog spomenika nepoznati vandali su prije nekoliko godina skinuli i odnijeli bakarnu ploču na kojoj je pisalo: „Još su oni vatre što u našim srcima gore”.
D.J.
Komentari
Komentari se objavljuju sa zadrškom.
Zabranjen je govor mržnje, psovanje, vrijedjanje i klevetanje. Nedozvoljen sadržaj neće biti objavljen.
Prijavite neprikladan komentar našem
MODERATORU.
Ukoliko smatrate da se u ovom članku krši Kodeks novinara, prijavite našem
Ombudsmanu.