Stejt department / - SHUTTERSTOCK
05/12/2023 u 17:20 h
DAN portalDAN portal
Preuzmite našu aplikaciju
Pratite nas na
Pridružite nam se na viber community
Pratite nas
i na telegram kanalu
StoryEditor

Makedonski biznismen i bivši vicepremijer Kočo Anđušev na crnoj listi SAD

Navodi se da je "dok je bio vicepremijer Anđušev zloupotrijebio službeni položaj u korist svojih privatnih poslovnih interesa, podrivajući povjerenje javnosti u Sjevernoj Makedoniji

Biznismenu i bivšem vicepremijeru Sjeverne Makedonije Koču Anđuševu zabranjen je ulazak u Sjedinjene Američke Države (SAD) zbog korupcije, objavio je danas Stejt department.

"Sjedinjene Države označavaju Koču Anđuševa, bivšeg vicepremijera Sjeverne Makedonije, kao generalno nepodobnog za ulazak u Sjedinjene Države zbog njegove umiješanosti u značajnu korupciju", piše u odluci.

Navodi se da je "dok je bio vicepremijer Anđušev zloupotrijebio službeni položaj u korist svojih privatnih poslovnih interesa, podrivajući povjerenje javnosti u Sjevernoj Makedoniji u njihove vladine institucije i javne procese".

Današnja akcija, naglašava Stejt department, pokazuje da "SAD u Sjevernoj Makedoniji stoje uz one koji zahtijevaju odgovornost od korumpiranih javnih funkcionera".

"Ovo određivanje potvrđuje posvećenost SAD u borbi protiv korupcije, koja šteti javnom interesu, ometa ekonomski prosperitet zemalja i smanjuje sposobnost vlada da efikasno odgovore na potrebe svog naroda", dodaje se u odluci Stejt departmenta.

Anđušev je bio potpredsjednik za ekonomska pitanja u vladi Zorana Zaeva od 1. juna 2017. do 3. januara 2020. godine, a američki ekonomski časopis Forbs proglasio ga je 2014. za jednog od pet najbogatijih Makedonaca.

Stejt department je kao "generalno nepodobne označio i zabranio ulazak u SADi i supruzi Anđuševa Elizabeti i njegovoj djeci Angelu i Ognenu".

Pratite nas na
Pridružite nam se na viber community
Pratite nas
i na telegram kanalu
25. februar 2024 13:28