Ćavi Ernandez, trener Barselone, najavio je da bi na kraju sezone mogao da napusti klupu katalonskog diva.

Aktuelni španski prvak trenutno je treći u La Ligi, osam bodova iza vodeće Đirone i sedam iza vječitog rivala Reala.

Sinoć je Barselona eliminisana od Atletik Bilbaa u "Kupu kralja", a prije desetak dana izgubila je i finale u Superkupu Španije.

“Ako se ne popravimo do kraja sezone, moraću da odem. Znam gdje sam. U Barceloni morate da osvajate titule, ako to ne učinite onda imate problem", rekao je Ćavi.

Ove godine Barca je imala jako loša izdanja, ali je i dalje u konkurenciji za trofeje u La Ligi i Ligi šampiona.

"Uvjeren sam da naš projekt, koji će nositi vrhunski mladi igrači, ima perspektivu", uvjeren je Ćavi.