Milutin Osmajić je pružio još jednu dobru partiju u dresu Prestona. U derbiju 13. kola Čempionšipa Preston je remizirao protiv Sautemptona – 2:2, a crnogorski reprezentativac je svoju igru krunisao golom i asistencijom. Najprije je u 52. minutu bio strijelac za svoj klub, a četiri minuta kasnije je asistirao Potsu. S druge strane, golove za Sautempton postigli su  Voker-Piters u 33. i Evans (autogol) u 90+6 minutu.

Nakon ovog kola Preston je četvrti sa 22 boda, a Sautempton se nalazi na petoj poziciji i ima bod manje.