Poslije poraza od Evertona (2:0) u gradskom derbiju, još jedan neuspjeh Liverpula u borbi za titulu. U meču 35. kola Premijer lige, "redsi" su uzeli samo bod na gostovanju Vest Hemu. Novim kiksom, titula će ostati samo san.

Poveo je domaćin u finišu prvog poluvremena golom Džaroda Bovena (43). Samo što je počeo nastavak, izjednačio je Endrju Robertson (48). Liverpul je stigao do prednosti autogolom Alfonsa Areole (65). Konačan rezultat postavio je Majk Antoni, a igrao se 77. minut.

Meč je začinio verbalni sukob Mohameda Salaha i Jirgena Klopa, u momentu kada je Egipćanin ulazio u igru umjesto Luisa Dijaza u 79. minutu.

Liverpul sada na kontu ima 75 bodova i na treće mjestu je. Mančester siti je drugi sa 76 i dva meča manje. Lider je Arsenal sa 77, a ima duel manje od Liverpula.