Mješoviti hor Muzičkog društva „Chester” iz Engleske nastupio je u katedrali Sv. Tripuna sa programom duhovnih napjeva i oratorijuma Volfganga Amadeusa Mocarta, Đovani Batiste Pergolezija, Franca Jozefa Hajdna, te savremenog kompozitora Mortena Loridsena. Horom je dirigovao Graham Jodran Ellis, a za orguljana ga je pratio Graham Eccles. Publika koja je ispunila katedralu bila je miješanog sastava, dijelom domaći ljubitelji horske muzike, a dijelom turisti i Englezi koji su pratili hor. Nastupilo je 35 pjevača, pripadnika „treće dobi”, velikih entuzijasta i zaljubljenika u duhovnu pjesmu. Hor je u sklopu Društva osnovan 1946. godine i trenutno broji 160 članova iz grada Čestera i okolnih četvrti. Na repertoaru ima širok spektar klasične horske muzike, a redovno svake godine priređuje pet koncerta u česterskoj katedrali. Ovi koncerti uključuju izvođenje velikih oratorijuma i sličnih radova sa solistima i uz pratnju orkestra. Tokom januara nastupa dva puta u katedrali Čester sa repertoarom božićnih pjesama.
Ovaj nastup u Kotoru je dio redovnih turneja po inostranstvu, koje odrađuju svakih par godina. Posljednja turneja bila je u Salcburgu 2014, godine, a prije toga posjetili su Gent, Veneciju, Prag, Drezden, Lajpcig, Budimpeštu, Sijenu, Firencu i Krakov.
- Oduševljeni smo što smo prvi put imali priliku da posjetimo lijepe zemlje kao što su Hrvatska i Crna Gora i da pjevamo u Kotoru. Nadamo se da ste uživali u našem koncertu, kazao je dirigent Elis.M.D.P.
Komentari
Komentari se objavljuju sa zadrškom.
Zabranjen je govor mržnje, psovanje, vrijedjanje i klevetanje. Nedozvoljen sadržaj neće biti objavljen.
Prijavite neprikladan komentar našem
MODERATORU.
Ukoliko smatrate da se u ovom članku krši Kodeks novinara, prijavite našem
Ombudsmanu.
)){kind=small}
