Uvodni mečevi drugog dana JU-ES Opena donijeli su pobjede favorita - plasman u drugo kolo izborili su Rus Danil Medvedev, Njemac Aleksander Zverev i Italijan Mateo Beretini.

Pobjednik JU-ES Opena iz 2021. godine, Danil Medvedev deklasirao je Mađara Atilu Balaža kojem je prepustio samo jedan gem - 6:1, 6:0, 6:0 za 64 minuta na "Atrur Ešu", Zverev je bio bolji od Australijanca Aleksandra Vukića sa tri puta po 6:4 za dva sata i 11 minuta igre, dok je Beretini nadigrao Francuza Iga Amera sa 6:2, 6:4, 6:4.

Uspješnu premijeru na ženskom turniru imala je i prošlogodišnja finalistkinja Ons Žaber iz Tunisa, koja savladala Kolumbijku Osorio sa 7:5, 7:6.