Veliki derbi 23. kola Premijer lige pripao je Arsenalu, koji je u nastavku na "Emiratima" slomio Liverpul (3:1) i prišao mu na dva boda zaostatka.

"Tobdžije" su imale više od igre i zasluženo slavile. Bukajo Saka u 14. minutu najvio je trijumf Arsenala, da bi "redsi" stigli do egala u nadoknadi prvog poluvremena kada je Dijas iskoristio smušenost golmana Raje i Salibe, skrenuo loptu do Gabrijela koji je zatresao sopstvenu mrežu. Početkom nastavka Liverpul je imao dvije dobre prilike koje nije iskoristio preko Mekalistera, a onda je kažnjen. Martineli je u 67. minutu iskoristio lošu reakciju Alisona Bekera i Van Dajka i poslao loptu u praznu mrežu, da bi "rezervista" Trosar u 90. minutu pečatirao pobjedu "tobdžija".