Fudbaleri Juventusa ostvarili su i te kako važnu pobjedu u šampionatu Italije. Ekipa iz Torina je na gostovanju slavila protiv Frosinonea sa 2:1 i tako došli na samo bod od vodećeg Intera.
Tim trenera Masimilijana Alegrija je poveo u 12. minutu golom mladog napadača Kenana Jildiza, a početkom drugog poluvremena je izjednačio je Baez. Tek tada je strateg crno-bijelih na teren poslao Dušana Vlahovića, koji je na kraju bio i čovjek odluke. Igrao se 81. minut kada je MekKeni centrirao, a Vlahović loptu glavom smjestio u mrežu domaćeg sastava i tako postavio konačnih 1:2.
