Dva mladića, čiji identitet još uvijek nije potvrđen, podmetnula su prošle noći požar u naselju poznatom kao Pendrek Siti, prenosi Radio Tivat.

Oni su, po riječima svjedoka, zapalili nisko rastinje a zatim se brzo udaljili sa lica mjesta. Kako kažu svjedoci, nosili su kačkete.

Na sreću i zahvaljujući brzoj reakciji vatrogasaca, kao i pravovremenoj prijavi građana, požar je ugašen vrlo brzo, čime je izbjegnuto širenje.

Sinoć je duvala jaka bura a trmperatura je iznosila čak 33 stepena Celzijusa, što pogoduje širenju šumskih požara.

Iz Službe zaštite apeluju na građane da prijave svako sumnjivo ponašanje.

Podsjetili su da je zabrana loženja na otvorenom na snazi do 15. septembra uz mogućnost produženja.