Otišao je Joanis Papapetru iz Partizana poslije godinu dana.

Panatinaikos ga je vratio u svoje redove i potpisao s njim ugovor na dvije godine.

Imala je armija navijača "crno-belih" velika očekivanja od Grka kada je došao, utisak je da je, ipak, mogao malo više da pruži na terenu.

Ipak, na kraju balade i Papapetru se preko društvenih mreža oprostio od "crno-bele" porodice.

„Partizan, grobari, zauvijek ću vam biti zahvalan što sam bio dio Partizanove porodice. U prethodnoj sezoni imali smo neuspjehe i uspjehe, ali što je najvažnije, borili smo se kao jedno. Želim da se zahvalim upravi i cijeloj organizaciji Partizana. Mojim saigračima, svaki dan je bio dragocjen i čak i u najtežim trenucima ostajali smo zajedno. Hvala vam. Prijateljstva će ostati zauvek. Najboljem treneru koji postoji, Željku, hvala što me je odabrao i što mi je dao šansu da budem dio nečeg posebnog. Svaki dan sa tobom je bila lekcija i ti časovi će me pratiti do kraja života. Teško je reći zbogom ljudima koji su mi dali bezuslovnu ljubav. Zauviek ću pratiti i podržavati Partizan“, napisao je Janis Papapetru.